KOF電影版 - 十宗罪！

無論劇情同人設個編劇都罪該萬死！

1. 以三神器做主線無問題，但3神器o既用法錯哂，要整停Rugal，一塊八咫鏡就夠，另外兩神器根本無咁既功用。而當神樂死左，一切就玩完，由不知火去用塊鏡簡直就荒謬，能力是不能轉移的！

2. Rugal從來無比草薙打死過，獲獲都係自己set炸彈玩自爆的！

3.最離譜係八神同京o既關係，原著次次都見獲打獲，套戲入面講到可以做fd咁，呢個係遊戲故事o既根本……

4. Terry 頂帽係戲入面竟然係偷翻黎既！

5. 草薙同不知火舞唔識用火都算，rugal反而識用火，不知火舞竟然曉用電！？

6. 八神家同草薙家o既恩怨並唔係因為草薙家既祖先殺左八神家既祖先，而係當年兩家都係看管大蛇封印既守護者，八神家既祖先忍唔住大蛇既引誘解開左封印，草薙家既祖先禁閉左八神家既祖先，從此誓不兩立。

7. 不知火舞既性感忍服去哪裡了？！未見過咁密實既不知火舞

8.原作故事入面死既係神樂既姐姐，而殺佢既亦唔係Rugal！

9. 柴舟確實有段時間被Rugal洗腦，但從來無死過…洗腦之後係比草薙京打敗醒翻而唔係比八神激死 = ="

10. 草薙京係出名既懶人，但極有天賦，所以電影入面係度練工既橋段絕不可能出現 (仲要著道袍囉！入左極限流拜左板埼獠老豆做師傅？！)